Рекомендуем
Top

Балык уҥуоҕуттан паштет. Паштет из рыбьих костей

Саха дьоно буоларбыт быһыытынан кыһын устата элбэх кыһыллар уонна да атын балык сиибит. Этин тоҥнуу, буһаран, ыһаарылаан, туустаан аска туһанабыт. Фарш да оҥоробут, бөрүөктүүбүт.

Рецепт вкусного рыбного паштета отправила журналист Сардаана Сивцева. Она родом из села Арылах Верхнеколымского района. Но с оригинальным рецептом с ней поделились в Среднеколымском районе. Сардаана Афанасьевна не только талантливый журналист, но и очень любит готовить, увлекается рисованием картин на холсте, а летом в ее огороде все цветет и растет.

Маннык астааһын кэннэ элбэх төбө, тоноҕос уҥуоҕа  хаалар. Сорох дьон улахан балык төбөтүн мунньан миин буһарар. Сордоҥ, сыалыһар төбөтүн ыһаарылаатахха да бэрт минньигэс ас буолар. Оттон ряпушка, собо, күстэх иҥин курдук кыра балыктар төбөлөрө, тоноҕосторун уҥуоҕа быраҕыллар. Маны эмиэ минньигэс уонна туһалаах ас оҥоруохха сөп эбит диэн мин Орто Халымаҕа бара сылдьан билэн турардаахпын. Паштет тас көрүҥэ, амтана, ол таһынан Хоту дойду олохтоохторо айылҕа биэрбит баайыгар маннык кичэллээхтик, харыстаан сыһыаннаһаллара сөхтөрбүтэ. Аны мин дьиэ кэргэммэр ханнык да балык сиэтэхпитинэ туох да уҥуох хаалбат, барыта күндү ас буолар.

Дьэ, эрэ. Хоспоххутун хостоон быраҕарга бэлэмнээбит балык төбөтүн, тоноҕоһун уҥуоҕун  хостооҥ. Ириэриҥ, сууйуҥ, төбөттөн сирэйин уҥуоҕун (жаберные крышки) уонна ол иһигэр баар ууну ыраастыыр сэбирдэхтэрин (жаберные дуги, лепестки и тычинки) ылан кэбиһиҥ. 

Биир буһарыыга мин 5 орто кыһыллар балык төбөтүн ылабын. Маны дириҥ көстүрүүлэҕэ кыратык үрдүнэн сабар гына уу кутан 5 чаас кэриҥэ кыра уокка оргутабын. Буһаран бүтэрбит чаас аҥара хаалбытын кэннэ тууһуубун, перец, ыраастаммыт моркуоп, лавр сэбирдэҕин угабын. Кэмэ кэллэҕинэ күөспүтүн уоттан араарабыт, лавр сэбирдэхтэрин ылан кэбиһэбит уонна дуршлаг нөҥүө уутун сүөкүүбүт.  Дуршлакка хаалбыт хойуутун блендерынан биир да уҥуох хаалбат гына ньыһыйабыт. Тахсыытыгар сөп буолар таас иһит ылан аспытын онно сүөккүүбүт, сойутабыт уонна сиибит.

Маннык аһы муҥха кыра соботуттан, мундуттан эмиэ буһараллар. Бу паштет минньигэс эрэ буолбатах. Уҥуох ыарыылаах, сааһыран сэниэтэ суох буолбут, эбэтэр организмыгар кальций, фосфор уонна да атын микроэлеменнара тийбэт дьоҥҥо улахан туһалаах курдук саныыбын.

Балык уҥуоҕуттан паштет буһарыҥ, минньигэстик аһааҥ уонна доруобай буолуҥ!  

Паштет из рыбьих костей

Ингредиенты: головы рыбы, хвосты, кости, соль, перец, морковь, лаврушка.

Приготовление: головы чистим, удаляем жаберные крышки, жаберные дуги, лепестки и тычинки. В течение 5 часов кипятим на малом огне. За полчаса до готовности добавим соль, перец, морковь и лаврушку. Потом сливаем воду через дуршлаг, убираем лавровый лист, оставшуюся гущу измельчаем блендером до тех пор, пока ни одной косточки не останется.

Раскладываем в стеклянную посуду и охлаждаем. Сытное и очень полезное блюдо готово! Приятного аппетита!

Такой паштет можно приготовить из мелких карасей, гольянов. Он очень полезен при нехватке кальция в организме, в нем много фосфора, различных полезных микроэлеиентов.

Сардаана Сивцева.

Comments

  • Лариса
    27.04.2021

    Сардаана, барга махтал🙏кырдьык олус туhaлаах субэ👌👍

  • Лариса
    27.04.2021

    👌👍👍👍🐟🐟🐟

Комментарии